0:00
/
1ܐܝܼܢܵܐ ܒܵܬَܪ ܬܪܹܝ ܝܵܘܡܵܢܹ̈ܐ ܗَܘܹܐܠܹܗ ܦܸܨܚܵܐ ܕܦܲܛܝܼܪܹ̈ܐ: ܘܛܸܥܠܗܘܿܢ ܓܘܼܪ̈ܵܢܹܐ ܕܟܵܗܢܹ̈ܐ ܘܣܵܦܪܹ̈ܐ ܕܵܐܟ̣ܝܼ ܒܦܸܠܡܵܐ ܕܵܒ̣ܩܝܼ ܗ݇ܘܵܘ ܠܹܗ ܘܩܵܛܠܝܼ ܠܹܗ. 2ܣܵܒܵܒ ܕܐَܡܸܪܗܘܿܢ: ܠܵܐ ܒܥܹܐܕܵܐ: ܠܵܐ ܗَܘܹܐ ܕܫܓ̣ܘܼܫܝܵܐ ܗܵܘܹܐ ܓܵܘ ܛܵܝܸܦܵܐ. 3ܘܟܲܕ ܗ̇ܘ ܒܒܹܝܬ ܥܲܢܝܵܐ ܗ݇ܘܵܐ: ܓܵܘ ܒܲܝܬܹܗ ܕܫܸܡܥܘܿܢ ܓܸܪܒ̣ܵܢܵܐ: ܟܲܕ ܝܬܝܼܒ̣ܵܐ ܠܨܘܼܦܪܵܐ: ܐَܬܹܐܠܵܗ̇ ܚܕܵܐ ܒܲܟ̣ܬܵܐ ܕܐܝܼܬ ܗ݇ܘܵܐ ܠܵܗ̇ ܫܵܛܝܼܦܬܵܐ ܕܡܸܫܚܵܐ ܕܢܵܪܕܝܼܢ ܓ̰ܸܢܣ: ܪܵܒܵܐ ܡܵܪܹܐ ܛܝܼܡܵܐ: ܘܦܬܝܼܚܵܠܵܗ̇ ܫܵܛܝܼܦܬܵܐ ܘܡܘܼܫܦܸܟ̣ܵܠܵܗ̇ ܥܲܠ ܪܹܫܹܗ. 4ܐܝܼܢܵܐ ܐܝܼܬ ܗ݇ܘܵܘ ܐ݇ܢܵܫܹ̈ܐ ܕܟܪܸܒܠܗܘܿܢ ܓܵܘ ܓܵܢܵܝܗܝ: ܘܐَܡܸܪܗܘܿܢ: ܩܵܡܘܿܕܝܼ ܗَܘܹܐܠܹܗ ܐܵܗܵܐ ܬܠܵܩܵܐ ܕܡܸܫܚܵܐ. 5ܣܵܒܵܒ ܕܟܹܐ ܡܵܨܹܐ ܗ݇ܘܵܐ ܗ̇ܘ ܡܸܫܚܵܐ ܕܦܵܐܹܫ ܗ݇ܘܵܐ ܙܘܼܒܢܵܐ ܒܙܵܘܕܵܐ ܡ̣ܢ ܬܠܵܬَܡܵܐܐ ܕܝܼܢܵܪܹ̈ܐ: ܘܦܵܐܹܫ ܗ݇ܘܵܐ ܝܘܼܗَܒ̣ܵܐ ܠܡܸܣܟܹܢܹ̈ܐ. ܘܛܘܼܪܛܸܡܠܗܘܿܢ ܥܲܠܘܼܗ̇. 6ܐܝܼܢܵܐ ܝܼܫܘܿܥ ܐَܡܝܼܪܹܗ: ܫܒ̣ܘܿܩܘܿܢ ܠܵܗ̇: ܩܵܡܘܿܕܝܼ ܡܲܓ̰ܗَܘܼܝܹܐ ܝܬܘܿܢ ܐܸܠܵܗ̇: ܦܘܼܠܚܵܢܵܐ ܨܦܵܝܝܼ ܥܒܸܕܠܵܗ̇ ܥܲܠܝܼ. 7ܣܵܒܵܒ ܒܟܠ ܙܲܒ̣ܢܵܐ ܡܸܣܟܹܢܹ̈ܐ ܐܝܼܬ ܠܵܘܟ̣ܘܿܢ ܥܲܡܵܘܟ̣ܘܿܢ: ܘܐܝܼܡܲܢ ܕܒܵܥܹܝܬܘܿܢ ܟܹܐ ܡܵܨܹܝܬܘܿܢ ܥܵܒ̣ܕܝܼܬܘܿܢ ܠܗ݇ܘܿܢ ܨܦܵܝܘܼܬܵܐ: ܐܝܼܢܵܐ ܐܵܢܵܐ ܒܟܠܹܗ ܙܲܒ̣ܢܵܐ ܠܹܐ ܝܘܸܢ ܠܟܸܣܠܵܘܟ̣ܘܿܢ. 8ܗ̇ܘ ܕܐܝܼܬ ܗ݇ܘܵܐ ܠܵܗ̇ ܥܒܸܕܠܵܗ̇: ܐܲܝܟܼ ܕܠܩܒ̣ܘܼܪܬܵܐ ܡܩܵܕَܡܵܝܬܵܐ ܡܫܸܚܠܵܗ̇ ܠܓܘܼܫܡܝܼ. 9ܘܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܟܠ ܐܲܝܟܵܐ ܕܦܵܝܫܵܗ̇ ܡܘܼܟܪܸܙܬܵܐ ܐܵܗܵܐ ܡܲܫܚܲܕܬܝܼ ܒܟܠܵܗ̇ ܕܘܼܢܝܹܐ: ܘܐܘܼܦ ܡܸܢܕܝܼ ܕܥܒܸܕܠܵܗ̇ ܐܵܗܵܐ ܒܸܬ ܦܵܐܹܫ ܗܘܼܡܙܸܡܵܐ ܠܕܟ̣ܵܪܵܗ̇. 10ܐܝܼܢܵܐ ܝܼܗܘܼܕܵܐ ܣܟܲܪܝܘܿܛܵܐ: ܚܲܕَ ܡ̣ܢ ܬܪܸܥܣܲܪ: ܐَܙܸܠܹܗ ܠܟܸܣ ܓܘܼܪ̈ܵܢܹܐ ܕܟܵܗܢܹ̈ܐ: ܕܣܵܦܹܐ ܗ݇ܘܵܐ ܠܹܗ ܐܸܠܵܝܗܝ. 11ܘܐܵܢܝܼ ܟܲܕ ܫܡܸܥܠܗَܘܿܢ ܚܕܹܐܠܗܘܿܢ: ܘܥܒܸܕܠܗܘܿܢ ܩܵܘܠܵܐ ܕܝܵܗَܒ̣ܝܼ ܠܹܗ ܙܘܼܙܹ̈ܐ. ܘܛܵܥܹܐ ܗ݇ܘܵܐ ܠܦܸܪܨܲܬ ܠܣܵܦܘܿܝܹܗ. 12ܘܒܝܵܘܡܵܢܹ̈ܐ ܩܵܕَܡܵܝܵܐ ܕܦܲܛܝܼܪܹ̈ܐ: ܐܝܼܡܲܢ ܕܟܹܐ ܕܵܒ̣ܚܝܼ ܦܸܨܚܵܐ: ܐܵܡܪܝܼ ܐܸܠܹܗ ܬܲܠܡܝܼܕܘܼ̈ܗܝ: ܐܲܝܟܵܐ ܒܵܣܡܵܐ ܠܘܼܟܼ ܕܐܵܙܵܠَܚ ܗܵܕܪܵܚ ܕܐܵܟ̣ܠܸܬ ܦܸܨܚܵܐ. 13ܘܫܘܼܕܸܪܹܗ ܬܪܹܝ ܡ̣ܢ ܬܲܠܡܝܼܕܘܼ̈ܗܝ: ܘܐَܡܝܼܪܹܗ ܐܸܠܵܝܗܝ: ܙܹܠَܡܘܿܢ ܠܡܕܝܼܢَܬܵܐ: ܘܒܸܬ ܬܵܦܸܩ ܒܝܼܵܘܟ̣ܘܿܢ ܐ݇ܢܵܫܵܐ ܫܩܝܼܠܵܐ ܬܲܠܡܵܐ ܕܡ̈ܝܼܵܐ: ܙܹܠَܡܘܿܢ ܒܵܬَܪܹܗ. 14ܘܠܲܐܝܟܵܐ ܕܥܵܒܸܪ: ܐَܡܘܿܪܘܼܢ ܠܡܵܪܹܐ ܒܲܝܬܵܐ: ܪܵܒܝܼܲܢ ܒܹܐܡܵܪܵܐ ܝܠܹܗ: ܐܲܝܟܵܐ ܝܠܹܗ ܒܹܝܬ ܡܲܫܪܝܵܐ: ܐܲܝܟܵܐ ܕܐܵܟ̣ܠܸܢ ܦܸܨܚܵܐ ܥܲܡ ܬܲܠܡܝܼܕܝܼ̈. 15ܘܒܸܬ ܡܲܚܙܹܐ ܠܵܘܟ̣ܘܿܢ ܒܵܠܵܚܵܢܵܐ ܓܘܼܪܬܵܐ: ܫܘܼܘܝܼܬܵܐ ܘܗܘܼܕܸܪܬܵܐ. ܬܵܡܵܐ ܗܲܕܪܘܿܢ ܠܲܢ. 16ܘܦܠܸܛܠܗܘܿܢ ܬܲܠܡܝܼܕܘܼ̈ܗܝ ܘܐ݇ܬܹܐܠܗܘܿܢ ܠܡܕܝܼܢَܬܵܐ: ܘܡܘܼܫَܟ̰ܸܚܠܗܘܿܢ ܕܵܐܟ̣ܝܼ ܕܐَܡܝܼܪܹܗ ܐܸܠܵܝܗܝ: ܘܗܘܼܕܸܪܘܿܢ ܦܸܨܚܵܐ. 17ܘܟܲܕ ܗَܘܹܐܠܹܗ ܪܲܡܫܵܐ: ܐَܬܹܐܠܹܗ ܥܲܡ ܬܪܸܥܣܲܪܬܹܗ. 18ܘܟܲܕ ܝܬܝܼܒܹܐ ܗ݇ܘܵܘ ܘܒܹܐܟ̣ܵܠܵܐ: ܐَܡܝܼܪܹܗ ܝܼܫܘܿܥ: ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܚܲܕَ ܡܸܢܵܘܟ̣ܘܿܢ ܕܒܹܐܟ̣ܵܠܵܐ ܝܠܹܗ ܥܲܡܝܼ: ܗ̇ܘ ܒܸܬ ܣܵܦܹܐ ܠܝܼ. 19ܘܐܵܢܝܼ ܫܘܼܪܹܗܘܿܢ ܠܸܦܫܵܡܵܐ: ܘܐܵܡܪܝܼ ܐܸܠܹܗ ܚܲܕَ ܚܲܕَ: ܐܵܢܵܐ ܝܘܸܢ. 20ܐܝܼܢܵܐ ܗ̇ܘ ܐَܡܝܼܪܹܗ ܐܸܠܵܝܗܝ: ܚܲܕَ ܡ̣ܢ ܬܪܸܥܣܲܪ ܕܒܸܛܡܵܫܵܐ ܝܠܹܗ ܥܲܡܝܼ ܒܡܵܐܢܵܐ. 21ܒܪܘܿܢܹܗ ܕܐ݇ܢܵܫܵܐ ܒܹܐܙܵܠܵܐ ܝܠܹܗ: ܕܵܐܟ̣ܝܼ ܕܝܼܠܹܗ ܟܬܝܼܒ̣ܵܐ ܥܲܠܘܼܗܝ: ܐܝܼܢܵܐ ܘܵܝ ܠܗ̇ܘ ܐ݇ܢܵܫܵܐ ܕܒܐܝܼܕܹܗ ܦܵܐܹܫ ܣܘܼܦܝܵܐ ܒܪܘܿܢܹܗ ܕܐ݇ܢܵܫܵܐ. ܨܦܵܝܝܼ ܗ݇ܘܵܐ ܠܗ̇ܘ ܐ݇ܢܵܫܵܐ: ܐܸܢ ܠܵܐ ܗܵܘܹܐ ܗ݇ܘܵܐ ܗَܘܝܼܵܐ. 22ܘܟܲܕ ܐܵܢܝܼ ܒܹܐܟ̣ܵܠܵܐ ܗ݇ܘܵܘ: ܫܩܸܠܹܗ ܝܼܫܘܿܥ ܠܲܚܡܵܐ: ܘܒܘܼܪܸܟ̣ܠܹܗ: ܘܩܨܹܠܹܗ: ܘܝܘܼܗَܒܼܸܠܹܗ ܐܸܠܵܝܗܝ: ܘܐَܡܝܼܪܹܗ ܐܸܠܵܝܗܝ: ܫܩܘܿܠܘܿܢ: ܐܵܗܵܐ ܝܠܹܗ ܦܲܓ̣ܪܝܼ. 23ܘܫܩܸܠܹܗ ܟܵܣܵܐ: ܘܫܘܼܟܸܪܹܗ: ܘܝܘܼܗَܒܼܸܠܹܗ ܐܸܠܵܝܗܝ: ܘܫܬܹܠܗܘܿܢ ܡܸܢܹܗ ܟܠܵܝܗܝ. 24ܘܐَܡܝܼܪܹܗ ܐܸܠܵܝܗܝ: ܐܵܗܵܐ ܝܠܹܗ ܕܸܡܝܼ ܕܕܝܵܬܹܩܹܐ ܕܡܒܵܕܵܠ ܕܪܵܒܵܐ ܦܝܵܫܵܐ ܝܠܹܗ ܫܘܼܦܟ̣ܵܐ. 25ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܡܸܢَܕܪܸܫَ ܠܹܐ ܫܵܬܸܢ ܡ̣ܢ ܡܲܗܨܘܼܠ ܕܓܸܦܬܵܐ: ܗܲܠ ܕܗ̇ܘ ܝܵܘܡܵܐ ܕܒܝܹܗ ܫܵܬܸܢܵܗ̇ ܚܲܕܬܵܐ ܒܡܲܠܟܘܼܬܹܗ ܕܐܲܠܵܗܵܐ. 26ܘܫܘܼܒܸܚܠܗܘܿܢ: ܘܦܠܸܛܠܗܘܿܢ ܠܛܘܼܪܵܐ ܕܙܲܝܬܹ̈ܐ. 27ܘܐَܡܝܼܪܹܗ ܐܸܠܵܝܗܝ ܝܼܫܘܿܥ: ܟܠܵܘܟ̣ܘܿܢ ܒܸܬ ܟܵܦܪܝܼܬܘܿܢ ܒܝܼܝܼ ܒܐܵܗܵܐ ܠܲܝܠܹܐ. ܣܵܒܵܒ ܕܟܬܝܼܒ̣ܵܐ ܝܠܹܗ: ܒܸܬ ܡܵܚܸܢ ܠܪܵܥܝܵܐ: ܘܒܸܬ ܦܵܝܫܝܼ ܒܘܼܪܒܸܙܹܐ ܥܸܪ̈ܒܘܼܗܝ. 28ܐܸܠܵܐ ܒܵܬَܪ ܕܩܸܡܠܝܼ: ܒܸܬ ܐܵܙܸܠَܢ ܡܩܵܕَܡ ܕܝܼܵܘܟ̣ܘܿܢ ܠܓܠܝܼܠܵܐ. 29ܐܝܼܢܵܐ ܐَܡܝܼܪܹܗ ܐܸܠܹܗ ܟܹܐܦܵܐ: ܐܸܢ ܟܠܵܝܗܝ ܟܵܦܪܝܼ: ܐܸܠܵܐ ܠܵܐ ܐܵܢܵܐ. 30ܘܐܵܡܸܪ ܐܸܠܹܗ ܝܼܫܘܿܥ: ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܘܼܟܼ: ܕܐܲܢَܬ: ܐܸܕܝܘܿܡ: ܒܐܵܗܵܐ ܠܲܝܠܹܐ: ܡܩܵܕَܡ ܕܩܵܪܹܐ ܩܵܪܘܿܝܵܐ ܬܲܪ̈ܬܹܝ ܓܵܗܹ̈ܐ: ܬܠܵܬَ ܓܵܗܹ̈ܐ ܒܸܬ ܣܵܪܒܸܬ ܠܝܼ. 31ܐܝܼܢܵܐ ܗ̇ܘ ܪܵܒܵܐ ܒܘܼܫ ܙܵܘܕܵܐ ܐܵܡܸܪ ܗ݇ܘܵܐ: ܐܸܢ ܗܵܘܹܐ ܠܝܼ ܠܸܡܝܵܬܵܐ ܥܲܡܘܼܟ: ܠܹܐ ܣܵܪܒܸܢܘܼܟ: ܘܐܲܝܟܼ ܕܗ̇ܘ ܐܘܼܦ ܟܠܵܝܗܝ ܐَܡܸܪܗܘܿܢ. 32ܘܐ݇ܬܹܐܠܗܘܿܢ ܠܕܘܼܟܬܵܐ ܐܲܝܢܝܼ ܕܦܝܵܫܵܐ ܝ݇ܠܵܗ̇ ܩܪܝܼܬܵܐ: ܓܲܕܣܹܡܵܢ. ܘܐَܡܝܼܪܹܗ ܠܬܲܠܡܝܼܕܘܼ̈ܗܝ: ܝܬܘܿܒ̣ܘܿܢ ܠܲܐܟ̣ܵܐ ܗܲܠ ܕܨܵܠܹܐ ܐܢܵܐ ܨܠܘܿܬܵܐ. 33ܘܠܘܼܒܸܠܹܗ ܥܲܡܹܗ ܠܟܹܐܦܵܐ ܘܠܝܲܥܩܘܿܒ̣ ܘܠܝܘܿܚܲܢܵܢ: ܘܫܘܼܪܹܐܠܹܗ ܠܸܥܓ̰ܵܒܵܐ ܪܵܒܵܐ ܘܠܸܦܝܵܫܵܐ ܒܥܹܩܘܝܼ. 34ܘܐَܡܝܼܪܹܗ ܐܸܠܵܝܗܝ: ܦܫܝܼܡܬܵܐ ܝ݇ܠܵܗ̇ ܓܵܢܝܼ ܗܲܠ ܡܵܘܬܵܐ. ܥܲܪܩܸܠܗܘܿܢ ܠܲܐܟ̣ܵܐ: ܘܥܒ̣ܘܿܕܘܿܢ ܫܵܗܲܪܬܵܐ. 35ܘܐَܙܸܠܹܗ ܠܩܵܕَܡܘܼܗܝ ܚܲܕَܟ̰ܵܐ ܘܢܦܸܠܹܗ ܥܲܠ ܐܲܪܥܵܐ. ܘܨܵܠܹܐ ܗ݇ܘܵܐ ܨܠܘܿܬܵܐ: ܕܐܸܢ ܡܵܨܝܵܐ: ܥܵܒ̣ܪܵܗ̇ ܡܸܢܹܗ ܣܵܥܲܬ. 36ܘܐَܡܝܼܪܹܗ: ܐܲܒܵܐ: ܒܵܒܵܐ: ܟܠ ܡܸܢܕܝܼ ܐܲܢَܬ ܟܹܐ ܡܵܨܸܬ: ܡܲܥܒܸܪ ܡܸܢܝܼ ܐܵܗܵܐ ܟܵܣܵܐ: ܐܸܠܵܐ ܠܵܐ ܪܸܙܵܝܵܐ ܕܝܼܝܼ: ܐܸܠܵܐ ܕܝܼܘܼܟ. 37ܘܐَܬܹܐܠܹܗ ܡܘܼܫَܟ̰ܚܵܝܠܹܗ ܕܡܝܼܟܹܐ: ܘܐَܡܝܼܪܹܗ ܠܟܹܐܦܵܐ: ܫܸܡܥܘܿܢ: ܕܡܝܼܟ̣ܵܐ ܝܘܸܬ: ܠܵܐ ܡܨܹܠܘܼܟܼ 38ܚܕܵܐ ܣܵܥܲܬ ܠܸܥܒ̣ܵܕܵܐ ܫܵܗܲܪܬܵܐ. ܥܒ̣ܘܿܕܘܿܢ ܫܵܗܲܪܬܵܐ ܘܨܲܠܹܝܡܘܿܢ: ܕܠܵܐ ܥܵܒܼܪܝܼܬܘܿܢ ܠܓ̰ܘܼܪܵܒܵܐ. ܪܘܼܚܵܐ ܫܲܪܝܼܪܬܵܐ ܟܹܐ ܒܵܣܡܵܐ ܠܵܗ̇: ܐܸܠܵܐ ܦܲܓ̣ܪܵܐ ܙܲܒܘܼܢ ܝܼܠܹܗ. 39ܘܐَܙܸܠܹܗ ܡܸܢَܕܪܸܫَ ܨܘܼܠܹܠܹܗ: ܘܗܲܪ ܗ̇ܝ ܗܹܡܸܙܡܵܢ ܐَܡܝܼܪܹܗ. 40ܘܡܸܢَܕܪܸܫَ ܐَܬܹܐܠܹܗ ܡܘܼܫَܟ̰ܸܚܵܝܠܹܗ ܕܡܝܼܟܹܐ: ܣܵܒܵܒ ܕܥܲܝܢܵܝ̈ܗܝ ܝܘܼܩܪܸܢܹܐ ܗ݇ܘܵܘ: ܘܠܵܐ ܝܕܸܥܠܗܘܿܢ ܡܘܼܕܝܼ ܓ̰ܲܘܸܒܝܼ ܠܹܗ. 41ܘܐَܬܹܐܠܹܗ ܓܵܗܵܐ ܕܬܠܵܬَ: ܘܐَܡܝܼܪܹܗ ܐܸܠܵܝܗܝ: ܕܡܘܿܟ̣ܘܿܢ ܡܐܵܕܝܼܵܐ ܘܡܲܢܝܸܚܘܿܢ. ܟܹܐ ܡܵܠܝܵܐ: ܐَܬܹܐܠܵܗ̇ ܣܵܥܲܬ. ܘܗܵܐ: ܦܝܵܫܵܐ ܝܠܹܗ ܣܘܼܦܝܵܐ ܒܪܘܿܢܹܗ ܕܐ݇ܢܵܫܵܐ ܒܐܝܼܕܵܬܹ̈ܐ ܕܚܲܛܵܝܹ̈ܐ. 42ܩܘܼܡܘܿܢ ܐܵܙܵܠَܚ. ܗܵܐ: ܩܘܼܪܒܸܢܹܗ ܗ̇ܘ ܕܣܵܦܹܐ ܠܝܼ. 43ܘܕܲܪܣܵܥܲܬ: ܗܵܠܵܐ ܗ̇ܘ ܗܲܡܙܘܼܡܹܐ: ܐَܬܹܐܠܹܗ ܝܼܗܘܼܕܵܐ: ܚܲܕَ ܡ̣ܢ ܬܪܸܥܣܲܪ: ܘܥܲܡܹܗ ܟܸܢܫܵܐ ܪܵܒܵܐ: ܥܲܡ ܣܲܝܦܹ̈ܐ ܘܚܘܼܛܪܹ̈ܐ: ܡ̣ܢ ܠܟܸܣ ܓܘܼܪ̈ܵܢܹܐ ܕܟܵܗܢܹ̈ܐ ܘܣܵܦܪܹ̈ܐ ܘܚܘܵܪ̈ܕܸܩܢܹܐ. 44ܘܝܘܼܗَܒ̣ܵܐ ܗ݇ܘܵܐ ܢܝܼܫܲܢܩܵܐ ܐܸܠܵܝܗܝ ܗ̇ܘ ܕܣܵܦܹܐ ܗ݇ܘܵܐ ܠܹܗ: ܒܹܐܡܵܪܵܐ: ܗ̇ܘ ܕܢܵܫܩܸܢܹܗ: ܗ̇ܘ ܝܼܠܹܗ: ܕܒ̣ܘܿܩܘܿܢ ܠܹܗ: ܘܒܗܸܫܝܵܪܘܼܬܵܐ ܠܵܒܠܘܿܢ ܠܹܗ. 45ܘܐَܬܹܐܠܹܗ: ܘܒܗ̇ܝ ܣܵܥܲܬ ܩܘܼܪܒܸܢܹܗ: ܘܐَܡܝܼܪܹܗ ܐܸܠܹܗ: ܪܵܒܝܼܝܼ: ܘܢܫܸܩܠܹܗ. 46ܘܐܵܢܝܼ ܕܪܹܠܗܘܿܢ ܥܲܠܘܼܗܝ ܐܝܼܕܵܬܵܝ̈ܗܝ: ܘܕܒܸܩܠܗܘܿܢ ܐܸܠܹܗ. 47ܐܝܼܢܵܐ ܚܲܕَ ܡ̣ܢ ܕܐܵܢܝܼ ܕܟܸܠܝܹܐ ܗ݇ܘܵܘ: ܓܪܸܫܠܹܗ ܣܲܝܦܵܐ: ܘܡܚܹܠܹܗ ܠܪܹܓܹܗ ܕܓܘܼܪܵܐ ܕܟܵܗܢܹ̈ܐ: ܘܦܪܝܼܡܵܠܹܗ ܢܵܬܹܗ. 48ܘܝܼܫܘܿܥ ܓ̰ܘܼܘܸܒܠܹܗ ܘܐَܡܝܼܪܹܗ ܐܸܠܵܝܗܝ: ܐܲܝܟܼ ܕܥܲܠ ܓ̰ܵܠܵܠܝܼ ܦܠܸܛܠܵܘܟ̣ܘܿܢ ܥܲܠܝܼ: ܒܣܲܝܦܹ̈ܐ 49ܘܒܚܘܼܛܪܹ̈ܐ ܕܕܵܒ̣ܩܝܼܬܘܿܢ ܠܝܼ. ܟܠ ܝܵܘܡܵܐ ܠܟܸܣܠܵܘܟ̣ܘܿܢ ܝܼܘܸܢ ܗ݇ܘܵܐ ܡܵܠܘܿܦܹܐ ܒܗܲܝܟܠܵܐ: ܘܠܵܐ ܕܒܸܩܠܵܘܟ̣ܘܿܢ ܐܸܠܝܼ: ܐܸܠܵܐ (ܗَܘܹܐ ܠܵܗ̇ ܐܵܗܵܐ)ܕܦܵܝܫܝܼ ܬܘܼܡܸܡܹܐ ܟܬܵܒܹ̈ܐ. 50ܘܫܒܸܩܠܗܘܿܢ ܐܸܠܹܗ ܟܠܵܝܗܝ: ܘܥܪܸܩܠܗܘܿܢ. 51ܘܚܲܕَ ܓ̰ܘܲܢܩܵܐ ܒܹܐܬܵܝܵܐ ܗ݇ܘܵܐ ܒܵܬَܪܹܗ: ܘܕܸܪܝܵܐ ܗ݇ܘܵܐ ܟܸܬܵܢ ܥܲܠ (ܦܲܓ̣ܪܹܗ) ܫܘܼܠܚܵܝܵܐ: ܘܕܒܸܩܠܗܘܿܢ ܐܸܠܹܗ. 52ܐܝܼܢܵܐ ܗ̇ܘ ܫܒܸܩܠܹܗ ܟܸܬܵܢ: ܘܥܪܸܩܠܹܗ ܫܘܼܠܚܵܝܵܐ. 53ܘܠܘܼܒܸܠܗܘܿܢ ܠܝܼܫܘܿܥ ܠܟܸܣ ܓܘܼܪܵܐ ܕܟܵܗܢܹ̈ܐ: ܘܓ̰ܡܸܥܠܗܘܿܢ ܠܟܸܣܠܹܗ ܟܠܵܝܗܝ ܓܘܼܪ̈ܵܢܹܐ ܕܟܵܗܢܹ̈ܐ ܘܣܵܦܪܹ̈ܐ ܘܚܘܵܪ̈ܕܸܩܢܹܐ. 54ܘܟܹܐܦܵܐ ܡ̣ܢ ܪܸܚܩܵܐ ܐܬܝܼܵܐ ܗ݇ܘܵܐ ܒܵܬَܪܹܗ: ܗܲܠ ܓܵܘ ܕܵܪܬܹܗ ܕܓܘܼܪܵܐ ܕܟܵܗܢܹ̈ܐ: ܘܝܬܝܼܒ̣ܵܐ ܗ݇ܘܵܐ ܥܲܡ ܚܸܠܡܲܬܟܵܪܹ̈ܐ ܘܒܸܫܚܵܢܵܐ ܩܵܕَܡ ܢܘܼܪܵܐ. 55ܐܝܼܢܵܐ ܓܘܼܪ̈ܵܢܹܐ ܕܟܵܗܢܹ̈ܐ ܘܟܠܹܗ ܟܸܢܫܵܝܗܝ ܛܵܥܝܼ ܗ݇ܘܵܘ ܠܣܵܗܕܘܼܬܵܐ ܥܲܠ ܝܼܫܘܿܥ ܕܡܲܡܝܸܬܝܼ ܠܹܗ: ܘܠܵܐ ܡܘܼܫَܟ̰ܸܚܠܗܘܿܢ. 56ܣܵܒܵܒ ܪܵܒܵܐ ܟܲܕ ܝܵܗَܒ̣ܝܼ ܗ݇ܘܵܘ ܣܵܗܕܘܼܬܵܐ ܕܵܓܵܠܬܵܐ ܥܲܠܘܼܗܝ: ܠܹܐ ܗ݇ܘܵܘ ܒܸܕܒ̣ܵܩܵܐ ܣܵܗܕܘܵܬܵܝ̈ܗܝ ܡܸܚܕܵܕܹ̈ܐ. 57ܐܝܼܢܵܐ ܐ݇ܢܵܫܹ̈ܐ ܩܸܡܠܗَܘܿܢ ܥܲܠܘܼܗܝ ܘܝܸܗܒܸܠܗܘܿܢ ܣܵܗܕܘܼܬܵܐ ܕܵܓܵܠܬܵܐ: ܘܐَܡܸܪܗܘܿܢ. 58ܐܲܚܢܲܢ ܫܡܸܥܠܲܢ ܡܸܢܹܗ ܕܐَܡܝܼܪܹܗ: ܐܵܢܵܐ ܒܸܬ ܣܵܬܪܸܢܹܗ ܐܵܗܵܐ ܗܲܝܟܠܵܐ ܕܝܼܠܹܗ ܥܒ̣ܝܼܕܵܐ ܒܐܝܼܕܵܬܹ̈ܐ: ܘܒܬܠܵܬَܐ ܝܵܘܡܵܢܹ̈ܐ ܒܸܬ ܒܵܢܹܐ ܐܢܵܐ ܚܲܕَ ܐ݇ܚܹܪ݇ܢܵܐ ܕܠܵܐ ܥܒ̣ܝܼܕܵܐ ܒܐܝܼܕܵܬܹ̈ܐ. 59ܘܐܘܼܦ ܗܲܕܟ̣ܵܐ ܣܵܗܕܘܼܬܵܝܗܝ ܠܹܐ ܗ݇ܘܵܐ ܒܸܕܒ̣ܵܩܵܐ. 60ܘܩܸܡܠܹܗ ܓܘܼܪܵܐ ܕܟܵܗܢܹ̈ܐ ܒܒܹܝܦܲܠܓܵܐ: ܘܒܘܼܩܸܪܹܗ ܡ̣ܢ ܝܼܫܘܿܥ ܘܐَܡܝܼܪܹܗ: ܠܹܐ ܝܘܸܬ ܓ̰ܲܘܘܼܒܹܐ ܡܸܢܕܝܼ: ܡܘܼܕܝܼ ܣܵܗܕܘܼܬܵܐ ܒܝܼܵܗَܒ̣ܵܐ ܝܢܵܐ ܥܲܠܘܼܟܼ ܐܲܢܹܐ. 61ܐܝܼܢܵܐ ܗ̇ܘ ܫܬܸܩܠܹܗ: ܘܡܸܢܕܝܼ ܠܵܐ ܓ̰ܘܼܘܸܒܠܹܗ. ܘܡܸܢَܕܪܸܫَ ܒܘܼܩܸܪܹܗ ܓܘܼܪܵܐ ܕܟܵܗܢܹ̈ܐ ܘܐَܡܝܼܪܹܗ: ܐܲܢَܬ ܝܼܘܸܬ ܡܫܝܼܚܵܐ ܒܪܘܿܢܹܗ ܕܒܪܝܼܟ̣ܵܐ. 62ܘܝܼܫܘܿܥ ܐَܡܝܼܪܹܗ ܐܸܠܹܗ: ܐܵܢܵܐ ܝܘܸܢ. ܘܒܸܬ ܚܵܙܹܝܬܘܿܢ ܠܒܪܘܿܢܹܗ ܕܐ݇ܢܵܫܵܐ ܝܬܝܼܒ̣ܵܐ ܡ̣ܢ ܝܲܡܝܼܢܵܐ ܕܚܲܝܠܵܐ: ܘܒܹܐܬܵܝܵܐ ܥܲܡ ܥܢܵܢܹ̈ܐ ܕܫܡܲܝܵܐ. 63ܘܓܘܼܪܵܐ ܕܟܵܗܢܹ̈ܐ ܟ̰ܘܼܢܟ̰ܸܪܹܐ ܓ̰ܘܼܠܘܼ̈ܗܝ ܘܐَܡܝܼܪܹܗ: ܡܐܵܕܝܼܵܐ ܩܵܡܘܿܕܝܼ ܝܢܵܐ ܠܵܙܝܼܡܲܢ ܣܵܗܕܹ̈ܐ. 64ܫܡܸܥܠܵܘܟ̣ܘܿܢ ܓܘܼܕܵܦܵܐ. ܡܘܼܕܝܼ ܒܸܚܫܵܒ̣ܵܐ ܝܬܘܿܢ: ܘܐܵܢܝܼ ܟܠܵܝܗܝ ܕܸܢܘܿܢ ܕܓܘܼܢܵܗܟܵܪ ܝܼܠܹܗ ܠܡܵܘܬܵܐ. 65ܘܫܘܼܪܹܠܗܘܿܢ ܐ݇ܢܵܫܹ̈ܐ ܠܸܪܝܵܩܵܐ ܥܲܠܘܼܗܝ: ܘܠܟܵܣܘܿܝܹܐ ܦܵܬܹܗ: ܘܠܩܲܪܦܘܼܚܹܗ: ܘܠܹܐܡܵܪܵܐ: ܢܵܒܝܼ. ܘܦܲܪ̈ܵܫܹܐ ܡܵܚܝܼ ܗ݇ܘܵܘ ܠܹܗ ܒܐܝܼܕܵܐ. 66ܘܟܲܕ ܟܹܐܦܵܐ ܠܐܸܠܬܸܚ ܓܵܘ ܕܵܪܬܵܐ ܗ݇ܘܵܐ: ܐَܬܹܐܠܵܗ̇ ܚܕܵܐ ܚܵܡܬܵܐ ܕܓܘܼܪܵܐ ܕܟܵܗܢܹ̈ܐ. 67ܘܚܙܹܠܵܗ̇ ܠܟܹܐܦܵܐ ܒܸܫܚܵܢܵܐ: ܘܚܸܪܵܗ̇ ܒܝܹܗ: ܘܐ݇ܡܸܪܵܗ̇ ܐܸܠܹܗ: ܐܘܼܦ ܐܲܢَܬ ܥܲܡ ܝܼܫܘܿܥ ܢܵܨܪܵܝܵܐ ܝܘܸܬ ܗ݇ܘܵܐ. 68ܐܝܼܢܵܐ ܗ̇ܘ ܣܪܸܒ̣ܠܹܗ ܒܹܐܡܵܪܵܐ: ܠܹܐ ܝܘܸܢ ܒܝܼܕܵܥܝܵܐ ܘܠܹܐ ܝܘܸܢ ܦܲܪܡܘܼܝܹܐ ܡܘܼܕܝܼ ܒܹܐܡܵܪܵܐ ܝܘܲܬܝ. ܘܦܠܸܛܠܹܗ ܠܒܲܕܲܪ ܠܨܘܼܦܵܐ: ܘܩܪܹܐܠܹܗ ܩܵܪܘܿܝܵܐ. 69ܘܚܙܹܠܵܗ̇ ܐܸܠܹܗ ܡܸܢَܕܪܸܫَ ܗ̇ܝ ܚܵܡܬܵܐ: ܘܫܘܼܪܹܠܵܗ̇ ܠܹܐܡܵܪܵܐ ܠܐܵܢܝܼ ܕܟܸܠܝܹܐ ܗ݇ܘܵܘ: ܐܵܗܵܐ ܡܸܢܵܝܗܝ ܝܠܹܗ. 70ܐܝܼܢܵܐ ܗ̇ܘ ܡܸܢَܕܪܸܫَ ܣܪܸܒ̣ܠܹܗ. ܘܒܵܬَܪ ܚܲܕَܟ̰ܵܐ ܡܸܢَܕܪܸܫَ ܐܵܢܝܼ ܕܟܸܠܝܹܐ ܗ݇ܘܵܘ ܐَܡܸܪܗܘܿܢ ܠܟܹܐܦܵܐ: ܫܲܪܝܼܪܵܐܝܼܬ ܡܸܢܵܝܗܝ ܝܘܸܬ: ܣܵܒܵܒ ܕܐܘܼܦ ܓܠܝܼܠܵܝܵܐ ܝܘܸܬ. 71ܐܝܼܢܵܐ ܗ̇ܘ ܫܘܼܪܹܐܠܹܗ ܠܡܲܚܪܘܼܡܹܐ ܘܠܹܡܵܝܵܐ: ܕܠܹܐ ܝܵܕܥܸܢ ܠܐܵܗܵܐ ܐ݇ܢܵܫܵܐ ܕܒܹܐܡܵܪܵܐ ܝܬܘܿܢ. 72ܘܕܲܪܣܵܥܲܬ ܩܪܹܐܠܹܗ ܩܵܪܘܿܝܵܐ ܓܵܗܵܐ ܕܬܲܪ̈ܬܹܝ. ܘܕܟܸܪܹܗ ܫܸܡܥܘܿܢ ܠܗܹܡܸܙܡܵܢ ܕܝܼܫܘܿܥ ܐَܡܝܼܪܵܐ ܗ݇ܘܵܐ ܐܸܠܹܗ: ܡܩܵܕَܡ ܕܩܵܪܹܐ ܩܵܪܘܿܝܵܐ ܬܲܪ̈ܬܹܝ ܓܵܗܹ̈ܐ: ܬܠܵܬَ ܓܵܗܹ̈ܐ ܒܸܬ ܟܵܦܪܸܬ ܒܝܼܝܼ. ܘܫܘܼܪܹܐܠܹܗ ܠܸܒܟ̣ܵܝܵܐ.